केंद्र सरकारच्या विज्ञान व तंत्रज्ञान मंत्रालयातर्फे देशांतर्गत महिला संशोधकांना विज्ञान व तंत्रज्ञान विषयांतर्गत प्रगत संशोधनाची संधी देण्यासाठी किरण योजना राबवण्यात येते. या योजनेअंतर्गत खालीलप्रमाणे संशोधनपर संधी उपलब्ध आहेत.
आवश्यक शैक्षणिक पात्रता- अर्जदार महिलांनी विज्ञान विषयातील पदव्युत्तर पदवी अथवा अभियांत्रिकी वा तंत्रज्ञान विषयातील पदवी चांगल्या शैक्षणिक आलेखासह उत्तीर्ण केलेली असावी व त्यांना संगणकाचे अद्ययावत ज्ञान असायला हवे.
वयोगट- अर्जदार महिला संशोधकांचे वय २७ ते ४५ वर्षांच्या दरम्यान असायला हवे.
निवड पद्धती- अर्जदारांपैकी पात्रताधारक उमेदवारांची राष्ट्रीय पद्धतीवर संगणकीय पद्धतीने निवड चाचणी घेण्यात येईल. या निवड चाचणीत निर्धारित गुणांक मिळविणाऱ्या उमेदवारांना विज्ञान व तंत्रज्ञान मंत्रालयातर्फे दिल्ली येथे मुलाखतीसाठी बोलाविण्यात येऊन त्याआधारे त्यांची अंतिम निवड करण्यात येईल.
नेमणूक व पाठय़वृत्ती- निवड झालेल्या उमेदवारांना विज्ञान व तंत्रज्ञान मंडळातर्फे पुणे, दिल्ली, चेन्नई व खडगपूर येथे संशोधनपर प्रत्यक्ष सराव कामासाठी नेमण्यात येईल व त्यादरम्यान त्यांना खालीलप्रमाणे संशोधनपर शिष्यवृत्ती देण्यात येईल.
एमएस्सी, बीटेक, एमबीबीएस पात्रताधारक संशोधक उमेदवार : दरमहा रु. २०,००० रु.
एमफिल, एमटेक, एमफार्म, एमव्हीएससी पात्रताधारक संशोधक उमेदवार- दरमहा २५,००० रु.
संबंधित विषयातील पीएचडी पात्रताधारक उमेदवार- दरमहा ३०,००० रु.
--------------------------------------------------------------------------------------------------------------------------------------------------------
GET Free Educational Updates (Entrance Exam, Admissions, Jobs & many more...) Alerts on WhatsApp OR Telegram (https://t.me/VidyarthiMitra) , Send message on 7720025900
--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, जॉब, माहिती अगदी विनामूल्य ते ही आपल्या व्हॉटस्अॅपवर किंवा टेलेग्राम (https://t.me/VidyarthiMitra) <नाव><शहराचे नाव><नोकरी>७७२०० २५९०० मेसेज व्हॉटस्अॅपवर पाठवा
https://goo.gl/YPjt94
--------------------------------------------------------------------------------------------------------------------------------------------------------
