माध्यमिक व उच्च माध्यमिक शिक्षण मंडळाने दहावी, बारावी परीक्षेच्या अनुषंगाने तयारी सुरू केली.

करोनानंतर नियमित परीक्षा होत असल्याने, परीक्षा केंद्र, बैठक व्यवस्थेची मंडळाकडून चाचपणी करण्यात आली. आठ डिसेंबरपासून पुन्हा जिल्हानिहाय बैठकांचे नियोजन करण्यात आले. विभागात दहावी, बारावी परीक्षेसाठी नोंदणी संख्या वाढली आहे.

करोना प्रादुर्भावामुळे २०२१ ची दहावी, बारावी परीक्षा झाली नाही. अंतर्गत मूल्यमापन गुणदान करण्यात आले. २०२२मध्ये करोनाचा प्रादुर्भाव कायम होता. परीक्षा घेण्यात आली, परंतु शाळा तेथे केंद्र, २५ टक्के अभ्यासक्रम कमी, अधिकचा वेळ असे बदल मंडळाने केले होते. करोनाचा प्रादुर्भाव कमी झाल्याने २०२३ची परीक्षा २०२०मध्ये झाली त्याप्रमाणे घेण्यासाठी मंडळाने तयारी केली आहे.

शाळा तेथे परीक्षा केंद्र नसणार आहेत. त्यामुळे परीक्षेची व्यवस्था पूर्ववत करण्यासाठी मंडळाची धांदल वाढली. शाळा, कनिष्ठ महाविद्यालये, परीक्षार्थींची संख्या, विद्यार्थ्यांची बैठक व्यवस्था, सोयीसुविधांबाबतचा आढावा विभागीय पातळीवर निश्चित करण्यात आला. परीक्षा केंद्रांची पाहणीची प्रक्रिया पूर्ण झाल्याचे अधिकारी सूत्रांनी सांगितले.

यंदा दहावी, बारावीचे सुमारे वीस नवीन परीक्षा केंद्र वाढू शकतात, असे सांगण्यात येत आहे. दहावीसाठी विभागात पाच जिल्ह्यांत साडेसहाशेपेक्षा अधिक, तर बारावीचे पावणेचारशेपर्यंत परीक्षा केंद्र संख्या असतील असे सांगण्यात येते. जिल्हानिहाय बैठकांमधून परीक्षा केंद्रांचा पुन्हा आढावा घेतला जाणार आहे.
 

विद्यार्थी संख्येत वाढ

दहावी, बारावी परीक्षेसाठी अर्ज भरण्याची प्रक्रिया सुरू आहे. बारावी परीक्षेसाठी नियमित शुल्कासह अर्ज भरण्याची मुदत संपली, तर दहावीची सुरू आहे. दहावीला नोंद केलेल्या विद्यार्थ्यांची संख्या १ लाख ७९ हजारांपर्यंत आहे. बारावी परीक्षेसाठी नोंदणी केलेल्या विद्यार्थ्यांची संख्या १ लाख ६७ हजारपर्यंत आहे. गतवर्षीच्या तुलनेत परीक्षार्थी विद्यार्थी संख्या वाढेल असे मंडळातील सूत्रांनी सांगितले.
 

हमीपत्र घेणार...

दहावी, बारावीच्या अनेक परीक्षा केंद्रावर सोयीसुविधांचा अभाव असल्याचे २०२२ परीक्षेत समोर आले होते. शाळा तेथे केंद्र परीक्षा असताना अनेक केंद्रावर विद्यार्थी क्षमतेप्रमाणे सोयीसुविधा नसल्याचे भरारी पथकांच्या पाहणीत आढळले. फेब्रुवारी-मार्च २०२३मध्ये घेण्यात येणाऱ्या दहावी, बारावी परीक्षेसाठी सर्व परीक्षा केंद्रांकडून हमीपत्र घेतले जाणार आहे. ज्यात वर्ग खोल्या, बाकडे, जनरेटरची सुविधा, पाण्याची व्यवस्था, स्वच्छतागृहे आदी सुविधा पुरवण्याबाबतचा समावेश असेल.

परीक्षेच्या नियोजनाबाबतची तयारी सुरू आहे. केंद्रनिश्चितीसाठी केंद्रांच्या भेटीची प्रक्रिया झाली असून विविध बैठकांचे आयोजन दोन दिवसांत सुरू होत आहे.
परीक्षा केंद्रांना पायाभूत सुविधांबाबतही सूचना देण्यात येत आहेत.
-विजय जोशी, विभागीय सचिव, माध्यमिक व उच्च माध्यमिक शिक्षण मंडळ

------------------------------------------------------------------------------------------------------------------

Admission Guidance 2022: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2022 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2022 | JoSSA 2022 | MHT-CET 2022 | MBA 2022 | Pharmacy 2022 | Polytechnic 2022

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.