Jobs

Jobs

टपाल विभागात पोस्टमन पदांची भरती २०२२: जाणून घ्या तपशील

PUBLISH DATE 8th December 2022

आधुनिक जगातही स्वतःचे अस्तित्व टिकवून असलेल्या टपाल विभागात रिक्त पदांमुळे कर्मचाऱ्यांवरील कामाचा ताण वाढला आहे.

नागपूरचा विचार करता, विविध पदांवरील ३०३ पदे रिक्त असून त्यात सर्वाधिक १७५ पोस्टमनचा समावेश आहे.

रेल्वे, पोस्ट, बीएसएनएल या सरकारी विभागांशी असलेले नागरिकांचे नाते जिव्हाळ्याचे आहे. जुन्या पिढीच्या हृदयाजवळ असणारी ही खाती नव्या पिढीलाही आपलीशी वाटतात. टपाल विभागाने काळानुरूप स्वत:मध्ये बदल केल्यामुळे हा विभाग जिवंत आहे. मात्र, मनुष्यबळाची कमतरता, वाढलेली कामे यामुळे कर्मचाऱ्यांवर भार पडत असल्याचे चित्र आहे. प्राप्त माहितीनुसार, सद्यस्थितीत शहरात एकूण ६६ पोस्ट ऑफिसेस असून २०७ पत्रपेट्या (लेटर बॉक्स) आहेत.

त्याशिवाय सबपोस्ट मॅनेजर-४५, पोस्टल असिस्टंट-३०७, पोस्टमन-१५९, मल्टिटास्किंग स्टाफ-६६ असे एकूण ५७७ कर्मचारी कार्यरत आहेत. तर ३०३ पदे रिक्त आहेत. त्यात सबपोस्ट मॅनेजर-१४, पोस्टल असिस्टंट-६७, पोस्टमन-१७५, मल्टिटास्किंग स्टाफ-४७ यांचा समावेश आहे.

या सर्व पदांची पूर्तता झाल्यास विद्यमान स्थितीत कार्यरत कर्मचाऱ्यांवरील कामाचा ताण कमी होऊन योग्य व्यवस्थापन होऊ शकेल, अशी भावना व्यक्त करण्यात येत आहे.

नवीन भरती हवी

इतर सरकारी विभागांप्रमाणेच टपाल विभागातही नवीन भरतीप्रक्रिया मोठ्या प्रमाणात आणि नियमित स्वरूपात नाही. रिक्त जागांच्या तुलनेत भरतीचे प्रमाण कमी असल्याने कामावर परिणाम होत आहे.

छावणी परिषदेत ३१ पदांची भरती

औरंगाबाद छावणी परिषदेत एकूण ३१ पदांवर भरती होणार असून, त्यासाठी ६ डिसेंबरपर्यंत अर्ज भरता येणार आहे. विशेष म्हणजे २०१३ नंतर म्हणजे नऊ वर्षानंतर भरती होत असल्याचे समोर येत आहे.

या संदर्भात छावणी परिषदेकडून नुकतेच अधिकृत पत्र काढण्यात आले असून, यात वेगवेगळ्या ११ पदांवर ही भरती होणार असल्याचे स्पष्ट झाले आहे. यात कनिष्ठ लिपिक पदाची चार पदे, ड्रेसरचे एक पद, इलेक्ट्रिशियन पदाची एक, प्रयोगशाळा सहायक एक, माळी एक, कामगार एक, सुईण (मिडवाइफ) एक, शिपाई पद तीन, पंपचालक एक, सफाई कर्मचारी १६, व्हॉल्व्ह मॅन एक या पदांचा समावेश आहे. या संदर्भातील अर्ज मुख्य कार्यकारी अधिकारी, औरंगाबाद छावणी परिषद कार्यालय येथे उद्या, मंगळवारपर्यंत सादर करावेत, असे आवाहन परिषदेकडून करण्यात आले आहे. या संदर्भातील पत्रात आरक्षण, शैक्षणिक पात्रता, वय व इतर नियमांची विस्तृत माहिती वेबसाइटवर उपलब्ध करण्यात आली आहे.

रिक्त पदे १५०, भरती ३१ पदांची?

छावणी परिषदेत विविध प्रकारची सुमारे १५० पदे रिक्त आहेत; परंतु ३१ पदांवरच नियुक्ती होणार सूत्रांनी सांगितले. याचाच अर्थ रिक्त पदांपैकी केवळ २० टक्के भरली जाणार असल्याचे समोर येत आहे.

------------------------------------------------------------------------------------------------------------------

VidyarthiMitra.org

Admission Guidance 2022: WhatsApp https://wa.me/917720025900

Get real-time alerts and all the news on your phone with the all-new VidyarthiMitra app. Download from Google Play

Aptitude Test | Career Counselling | Option From Filling | Admission Assistance | 

Call 77200 25900 or 77200 81400                   

11th Admissions (FYJC) & DTE Cut-off | Cutoffs 2022 |

We bring you the fastest and relevant notifications on Bank, Railways, and Govt Jobs. Stay Connected 
Join us on WhatsApp https://wa.me/917720025900

| Cutoffs & Opening Closing Ranks => CSAB 2022 | JoSSA 2022 | MHT-CET 2022 | MBA 2022 | Pharmacy 2022 | Polytechnic 2022

--------------------------------------------------------------------------------------------------------------------------------------------------------
 Get free Educational & jobs alert on WhatsApp OR Telegram(https://t.me/VidyarthiMitra) Save this mobile number (77200 25900) on your phone as VidyarthiMitra.org and send WHATSAPP message (Your Name, City & Interest)

--------------------------------------------------------------------------------------------------------------------------------------------------------
'विद्यार्थी मित्र' जॉईन करा आणि मिळवा न्यूज, नोकरी, शासकीय व निमशासकीय नोकऱ्यांच्या जाहिराती व माहिती अगदी विनामूल्य ते ही आपल्या व्हॉटस्अॅपवर किंवा* *टेलेग्राम (https://t.me/VidyarthiMitra) हा मोबाईल नं. सेव्ह करून आपले <नाव> <शहराचे नाव> <नोकरी> ७७२०० २५९०० मेसेज पाठवा.